Über mich

Sälü, i bi dr Möru

i ha sit öppe füf Jahr e riese fröid ah Liecht u Ton. Sigs das Züg z installiere z programmiere oder aus DJ z ungerhaute. Bis jtzt bini imne private Rahme mit dere Sach beschäftiget gsi, wie grösseri Partys vo Bekannte. Für Vereine hani ouscho dörfe tätig wärde, aus Ungerstützer vomne Profi. So hani mir mis eigete chline Know How chönne aheigne.

Woni gseh ha wasi mittlerwile aus a Materiau ha hani festgsteut, dass sech nid jede das Materiau cha und wott ahschaffe. Därum hani mi entschide das Projekt hie z starte. Mini Idee isch, du gisch mir dis Vertroue fürd Stimmig, i gibe dir e faire all inclusive Service für dini eigeti legendäri Chiubi.

Mini Garantie fürd Arbeit isch mini Liedeschaft fürds Partymache und mis Härzbluet für e gueti Show z kreiere. Überzüg di säuber u mäud di